Meghan Markle ka pak ditë që së bashku me të shoqin, princin Harry po shijojnë prindërimin dhe ditën e nënës, e kremtoi me një homazh për të gjitha nënat, ato që kanë qenë, që janë dhe që të do të bëhen të tilla, por edhe nënat të cilat nuk janë më, por do të kujtohen përgjithmonë.

Mesazhin, çifti e përcolli bashkë me një foto të pjesshme të vogëlushit të tyre, Archie, të cilit i dukeshin aty vetëm këmbët. “Ne nderojmë dhe kremtojmë secilën prej jush”, thuhej aty.

Por fotoja, dukej se barte dhe një mesazh të fshehtë për Lady Dianën: lulet që shihen në sfondin e fotos së Archiet, ishin të preferuarat e saj.

Meghani e solli djalin në jetë mëngjesin e së hënës së kaluar, duke i sjellë kështu një gëzim të madh babait të tij, të afërmve të tjerë, por edhe adhuruesve në mbarë globin.

Fotoja e Meghan me të birin u bë menjëherë virale, por fansat kanë “sulmuar” dukeshën me pretendimin se ka kopjuar Kylie Jenner.

Me siguri të gjithëve ju kujtohet postimi i Kylie kur u bë nënë për herë të parë dhe në foton e Meghan fansat shkruanin se kanë gjetur një ngjashmëri jo vetëm tek ideja e fotos, por edhe tek manikyri. Ka edhe nga ata që thonë se iu duk si një foto e Kardashianëve dhe jo të dukeshës.