Emisioni i James Corden është një ndër më të shikuarit dhe nuk ka njeri më të shpejtë se Usain Bolt, kështu që kur këta të dy sfidojnë njëri tjetrin në një betejë Rap-i “Drop the Mic” (Hidh mikrofonin), sigurisht që do të jetë epike. I talentuar në sportin e tij, i talentuar në futboll, nuk e dinim që është shumë i talentuar edhe në Freestyle. Sprintieri olimpik mundi në “shtëpinë” e tij “The Late Late Show” moderatorin James Corden, për të cilin duhet ta pranojmë se nuk ishte aq keq. Pasi Corden filloi ta ngacmonte me “rap” atletin xhamajkian duke i thënë se pas disa medaljeve të fituara në Brazil do të humbasë përballë tij, Bolt bëri nxemjen dhe i tregoi vendin moderatorit.

“Herën e fundit që kontrollova, kisha 9 medalje të arta, nga një për çdo herë që ti ke bërë seks”, i tha Usain Bolt në betejën e rap-it dhe hodhi mikrofonin. Fituesin e shpallën fansat dhe kush tjetër përveç 30 vjeçarit mund të ishte. Për më tepër, ai meriton një medalje të artë për këtë performancë epike.