Në të gjitha farmacitë e Maqedonisë mund të blihet vaji i kanabisit. Ai nga kjo e martë mund të jepet pa recetë. Lajmin e ka publikuar Ministria e Shëndetësisë së Maqedonisë, duke thënë se kjo bëhet për tu ardhur në ndihmë qytetarëve, pasi ata kanë sugjeruar që vaji i kanabis të hidhte më me lehtësi dhe legalisht në treg.

Ministria ka sqaruar se përse shërben vaji i kanabis:
“Sipas përvojave ndërkombëtare, bëhet fjalë për vaj kanabisi i cili mund të ketë efekte pozitive kundër gjendjeve të stresit, ankthit, nervave, depresionit dhe mund të përdoret kundër përzierjes (të vjellave), ndihmon në mbajtjen e balancës së florës së zorrëve dhe në përgjithësi mund të ndihmojë në sistemin imunitar të njeriut. Për këto efekte, ky vaj ndodhet në shitje të lirë dhe mund ta blejë çdo njeri pa recetën e mjekut”.