Sipas një studimi të ri, të publikuar në “Journal of Evolutionary Biology”, meshkujt me mjekër janë partnerë më të mirë. Pa ju parë fare, ndiejmë atë shprehinë e “Çfarë dreqin po thoni?!” të stampuar në fytyrën tuaj. Por, para se të mendoni se është thjesht budallallëku i radhës, duhet të dini që ka një shpjegim goxha të arsyeshëm. Qimet në fytyrë tregojnë nivel të lartë testosteroni, i cili lidhet ngushtë me pjekurinë, një veçori thelbësore kjo për lidhjet afatgjata.
Së dyti, kjo ka të bëjë edhe me preferencat e vajzave dhe grave. Nga 8520 gra dhe vajza të anketuara, një shifër e habitshme prej 8520 prej tyre (pra të gjitha), përzgjodhën meshkujt me mjekër si kandidatë për martesë, ndërsa ata pa mjekër, i zgjodhën për të pasur një aventurë kalimthi. Mos u habisni nëse i shihni të gjithë me mjekra tani e tutje.