Edhe djali në fjalë ka një ngjashmëri të frikshme me yllin e pop-it Michael Jackson. Teksa e sheh, për një moment harron që Michael nuk jeton më pasi të duket sikur është përpara syve të tu.

Ka qenë e “ dashura”  e Sergio Cortes që ka postuar një foto të tij në Twitter  dhe kaq ka mjaftuar që fotoja të bëjë zhurmë në rrjetet sociale për shkak të ngjashmërisë së pabesueshme me këngëtarin e “Dirty Diana”. Shumë prej atyre që e kanë parë, janë tronditur nga ngjashmëria e pabesueshme e tyre. Segio në profilin e tij të Instagram ka edhe foto të ndrysnme të Michael dhe duket që është një fans i tij. Ai vetë është muzikant spanjoll dhe aktualisht është në turne në Amerikë, në shfaqjen e tij live  Tribute për Jackson dhe mënyra e performimit është njësoj si ai.   

Kjo ka bërë të hamendësohet se ngjashmëria e madhe e tij me yllin e pop-it mund të jetë edhe si rezultat i ndërhyrjeve kirurgjikale.

Megjithëse postoi foton e tij duke shkruar : “I dashuri im është kaq i mirë, shikoni selfien që sapo më dërgoi”, në të vërtetë vajza  nuk e dinte aspak se cili ishte personi në fjalë. Ajo kishte parë foton e tij në internet dhe e ka postuar. Më pas ka shpjeguar se për fat të keq  Sergio nuk ishte i dashuri i saj, thjeshtë kishte dashur të bënte shaka me miqtë e saj.