Miss-i i parë shqiptar dhe jo më kot e cilësuar si ikona e bukurisë shqiptare, pasi edhe pse kanë kaluar shumë vite, Valbona Selimllari duket po e njëjta. Ajo ka qëndruar pranë ekranit të televizionit kohët e fundit dhe së fundmi e kemi parë në një rrëfim të pazakonte në programin e fundit “Lart e Poshtë”.

Selimllari ka rrëfyer ditën e saj, plot angazhime, ku një vend të rëndësishëm zë prej disa muajsh edhe puna si Këshilltare e Çështjeve Sociale pranë Kryetarit të Bashkisë së Tiranës.

Valbona nuk i ka mbajtur dot lotët teksa ka treguar gjatë bisedës me Eraldo Rexhon, raste të fëmijëve të rrugës, të pashpresë. Një ndër to, ishte ai i një fëmije të vogël, i cili nuk do të mund ta shihte më dritën e diellit.