Kreu i LSI-së, Petrit Vasili ka denoncuar një rast dhune të ushtruar kundrejt një anëtari të LSI-së. Kreu i kësaj partie është shprehur se ngjarja ka ndodhur në Zharrës të Fierit dhe ai ka zbuluar dhe emrin e dhunuesit.
“Horrat e PS-së goditën një anëtar të LSI-së. Autor i kësaj vepre kriminale është Agim Grembi, e policia e drogës nuk e ka arrestuar kriminelin”, thaVasili. Ai ka akuzuar PS-në e Fierit si të implikuar, ndërsa ka kërkuar nga PS në Tiranë distancimin prej ngjarjes së rëndë.
Petrit Vasili është shprehur se përgjigja e LSI-së për këto ngjarje do të jetë shumë e ashpër.