Opozita i është drejtuar kryetarit të Kuvendit, Gramoz Ruçi me një kërkesë për anulimin e votimit të dekretit të Presidentit Meta për ligjin “Tatimet mbi të ardhurat”. 

Opozita pretendon se Kuvendi ka shkelur Kushtetutën pasi votimi i dekretit është kryer më parë se afatet e parashikuara.

Ndërkohë, në një konferencë për mediat, kryetari i grupit parlamentar i LSI-së, Petrit Vasili tha se “jemi në kushtet e një uzurpimi të Parlamentit në mënyrë të turpshme”.
Sipas Vasilit, ligji në fjalë favorizon oligarkët duke ulur tatimet mbi të ardhurat nga 15 në 8 për qind.