Kryeministri Edi Rama i është përgjigjur në Kuvend ditën e sotme 19 pyetje të LSI-së rreth programit qeveritar ku sigurisht nuk mund të mungonin dhe dozat e ironisë. Mirëpo i menjëhershëm ishte reagimi i Petrit Vasilit. Përmes një statusi në ‘Facebook’ Vasili thotë se Rama është kryeministër me aritmetikë të gremisur, ai nuk bën dot diferencën mes eurove dhe lekëve dhe për këtë fakt e tallin edhe vetë socialistët.

Statusi i Petrit Vasilit:

Ky kryeministër me aritmetikë të gremisur.

Këtë kryeministrin tonë e tallin keq edhe të vetët.

Kur pyetet për bujqësine nuk ndan dot eurot nga lekët dhe i duken barabartë, ai s’ka faj se aq di po të tijtë pse e tallin xhanëm?

E pyesin për investimet, që lidhen me rrugë dhe energjitikën dhe paratë që nuk dalin gjëkundi për premtimet e lajthitura të tij dhe ky s’kupton që buxheti i shtetit është një dhe i vetëm. Ky e ndan buxhetin me emra ministrash si llogari shtëpie për secilin.

E pyesin të ziun për ujrat e zeza në Ksamil e ky thotë që Ksamili është i Brukselit dhe jo i Shqipërisë.

E kam thënë që është shkollëpakët, po kaq pak është shumë.