Petrit Vasili ka bërë thirrje ditën e sotme për hartimin e një Pakti Kombëtarë për shpëtimin e ekonomisë.

Vasili shprehet se krijimi i një pakti kombëtarë është shumë i nevojshëm pasi ekonomia e vendit  është në një gjendje konfuzioni.

Thirrjen zoti Vasili e ka bërë nëpërmjet një statusi në facebook.

Statusi i plote

Ekonomia shqiptare në konfuzion.

Investimet e huaja në nivelin më të ulët se asnjë herë.

Thithja e projekteve të mëdha më e ulta.

Nuk ka prioritete madhore në ekonomi, por thjesht improvizime të ditës, që thjesht riciklojnë arkaizmin ekonomik, profanizmin dhe të kënaqurit me fiktivitet të qeverisë si dhe thellojnë frikshëm pabarazinë.

Është koha për një Pakt Kombëtar për Ekonominë.

Fjalët boshe dhe demagogjitë artificiale me shifrat për ekonominë do ta bëjnë varfërinë dhe papunësinë sëmundje pa shërim, dekurajimin tragjik për të rinjtë të pashmangshëm dhe vrasjen e shpresës mënyrë jetese.