Brenda muajit nëntor do të mbyllet plani vendor urbanistik i Tiranës, ndërsa Piramida do t’i rikthehet qytetarëve. Kështu deklaroi kryebashkiaku Erion Veliaj gjatë prezantimit të Planit të Përgjithshëm Vendor. Veliaj thotë se implementimi i planit vendor do të vihet në jetë gjatë 3 viteteve të ardhshme të mandatit të tij.
Erion Veliaj:
“Ka qenë një vit rekord pune, një vit shumë intensiv. Edhe pse Tirana është qyteti më i madh, më vjen mirë që jemi të parët që e mbyllim planin urbanistik. Do të vazhdojmë me kalimin e planit në Këshillin Bashkiak dhe KRT-në gjatë muajit nëntor.
Ky vit mbyll historinë e planit në vitin tonë të parë dhe pastaj tre vitet e tjera të punojmë për implementimin. Ne kemi realizuar rreth 100 dëgjesa publike, 3 të mëdha në nivel ekspertësh. Më vjen mirë që e mbyllim këtu tek Piramida e asaj që është metaforë e asaj që është qyteti.  
Kryebashkiaku zbuloi se për Piramidën ka një projekt ambicioz.
Erion Veliaj:
“Bashkia ka një projekt ambicioz për ta kthyer Piramidën në një hapësirë publike, për t’ua kthyer qytetarëve të Tiranës, për ta bërë të aksesueshme për aktivitete publike. Si hera e fundit që takohemi në këtë Piramidë në këtë gjendje, mund të kthehen në funksionale në dobi të qytetarëve”.