Kryebashkiaku i Tiranës Erion Veliaj, në ceremoninë e 74 vjetorit të çlirimit të Tiranës, nuk ka lënë pa përmendur incidentet para Bashkisë dy ditë më parë ku protestuesit hodhën molotov. Veliaj tha se e gjithë kjo bëhet për ta sabotuar ambicien finale për të qenë pjesë e BE. “Hera e parafundit që u dogjën goma para përballë Bashkisë së Tiranës në dera ishte 17 Nëntori i 44-ës kur trupat që po largoheshin dogjën qytetin dhe shkaktuan dëmet e fundit që mund ti bënin Tiranës.  Pardje u dogjën goma para bashkisë së Tiranës, pas 74 vitesh jo nga armiku jo nga pushtuesi e zaptuesi, por nga ne vetë ndaj them që ky është një moment reflektimi. Sot nuk rrezikohemi nga njeri, jemi pjesë e NATO-s, gjasat që të na pushtojnë janë shumë të vogla,  por vetë mund ta bëjmë, ne sot e kemi në dorë dhe të mirën dhe të keqen, dhe ta ndërtojmë dhe ta shkatërrojmë Tiranën, edhe i vënë zjarrin edhe ta bëjmë lule Tiranën, edhe të modernizohemi edhe të bëjmë hapa mbrapa", tha kryebashkiaku. "Cili është vendimi ynë sot për Tiranën? Do kthehemi pas, në gjumë, në zjarr , në gur, në vezët, në dru? Apo do përveshim mëngët, të përqafojmë njëri tjetrin e mos lejojmë politikanë të na përçajnë për të na penguar në këtë udhëtim? Unë e di pse bëhet kjo, bëhet për të na sabotuar në ambicien tonë përfundimtare, që të bëhemi anëtarë të  Bashkimit Euriopian. Nuk e them unë e thonë të huajt. Si mund të sabotoni njëri tjetrin? Si mund t’ju fusë Europa me kaq shumë sherr, me kaq shumë mllef? Dhe kë? Vendin që u çlirua vet. 

 Ose do vazhdojmë drejt Europës dhe nuk do lejojmë asnjë njeri të na përçajnë ose do na marrë sytë e mira dhe do fillojmë të theremi me njëri tjetrin. Kur ne bëhemi bashkë kemi treguar se ja kemi dal.  Unë jam i bindur që në këtë kryqëzim Tirana nuk ka kohë për t’u humbur. I ftoj të gjithë të përqafojmë njëri tjetrin, punën, progresin. Lavdi Dëshmorëve të njohur e të panjohur, familjeve tiranse, që ndihmuan lëvizjen Nacional-Çlirimtare atyre që hapën dyert e shtëpisë. Tirana nuk ka sot asnjë moment për të humbur. Nga ky moment rikthehemi në punë”, u shpreh Veliaj.