Kryebashkiaku Erjon Veliaj ka dhënë mesazhin e PS se data e zgjedhjeve nuk ndryshon. Ai thekson se zgjedhjet do të mbahen patjetër në këtë datë e ka dhënë edhe argumentet përse opozita është kundër.
“Jetojmë në një kontekst politik ku themi e lagu s’e lagu, do ketë zgjedhje s’do ketë zgjedhje. Patjetër që do ketë zgjedhje më 18 qershor. Çadra s’do zgjedhje se s’ka çfarë t’u ofrojë njerëzve. Meqë jam me zyshat është njësoj si data e provimit që nuk shtyhet dhe ai që nuk vjen merr notën 4," tha Veliaj.
Deklarata u bë gjatë inagurimit të shkollës “Luigj Gurakuqi” ku morri pjesë dhe kryeminsitri Rama i cili foli për arritjet e kësaj qeverie.
Sipas Ramës qeveria e shkuar u la një mal me borxhe për ndihmat sociale dhe shërbimesh të tjera prej 720 milion dollare dhe ndihmën e merrnin me fotografim vote.
Rama u tha mësuesve të pranishëm në aktivitet se edhe premtimi për rritje pagash për ta është mbajtur, pasi u është rritur duke nisur nga muaji mars.

Po nga çadra e lirisë, Berisha i dërgoi këtë mesazh Ramës: Shqipërinë në zgjedhje i vetëm nuk e çon ti. Mos e nxeh revolucionin paqësor!