Në ‘Një kat më lart’ erdhi këtë të shtunë këngëtarja Venera Lumani. Ajo së bashku me Lindi Islamin publikuan këngën më të re ‘Betohem’ ndaj biseda me moderatorin Ermal Peçi u fokusua si fillim aty. Venera nuk mendohet gjatë kur thotë se ky është projekti më i arrirë i tyre përgjatë karrierës muzikore. Shumë të dashuruar, në këtë 5 vjetor të lidhjes së tyrë, çifti prezantoi edhe klipin teksa Ermali pyet Venerën për ndonjë moment të sikletshëm gjatë xhirimeve.

“Unë nuk bërtas, por përbrenda po. Përpiqem të ruaj qetësinë që të dal sa më mirë në klip. Nuk e di pse shumë thonë që jam grifshë, sidomos në lidhje me Lindin, por nuk është e vërtetë” – tha Venera.

Ermali nuk ngurroi ta pyesi këngëtaren edhe për rrëmujën në tregun muzikor, se sa të vështirë e ka ajo edhe Lindi të ‘mbijetojnë’ në këtë treg. Si ndihet ajo përballe këngëve komerciale si p.sh “Zogu ma i mirë” apo “Ta du majmunin”.

“Unë kështu e kam krijuar karrierën time. Nëse bëj një këngë limonatë, do humbas edhe këto fansa’ – shtoi Venera.

Përse nuk e bën një këngë ajo me “zog”? Mos humbisni përgjigjen e saj pas minutës së 19-të   nga intervista në “Një kat më lart”.