E ardhmja e Marco Verrattit mbetet e paqartë.

Mesfushori italian që ka qenë zgjedhje e parë e Barcelonës gjatë gjithë kësaj vere, mund të transferohet në Premierigë, te skuadra e Manchester Unitedit.

Lajmi jepet nga ‘Express.co.uk’, që zbulon edhe dëshirën e 25-vjeçarit për t’u larguar nga kryeqyteti francez, pas 5 vjetër qëndrimi.

Jose Mourinho kërkon të sjellë një mesfushor qendror në skuadrën e tij para se të fillojë sezoni 2017/2018 në Premierligë, dhe një ofertë 100 milionëshe për Verrattin, nuk do të ishte problem për ‘Djajtë e Kuq’, që do të forconin mesfushën me italianin, për t’i afruar një lojtar cilësor në atë pozicion Paul Pogbas.