Këtë herë arsyeja ka qenë Ryan Collins, një 36-vjeçar nga Pensilvania i cili ka pranuar se ishte ai që vodhi fotot dhe videot private të Kate Upton apo Jennifer Lawrence. E megjithatë pavarësisht se i riu ka pranuar fajin, prokurorët e çështjes në gjykatën e Los Angeles-it kanë vendosur ta dënojnë atë vetëm me 18 muaj burg, duke qenë se sipas këtyre të fundit nuk ka prova të mjaftueshme që fotot e përvetësuara pa të drejtë nga Collins në mbi 100 llogari të Google dhe Apple, janë publikuar po nga ai. Me pak fjalë çështja vazhdon të jetë ende e pazgjidhur plotësisht, ndonëse dëmi i shkaktuar ishte vërtet i madh!