Një fund tragjik për një të dënuar në burgun e Peqinit. Gjatë ditës së dielë, Fatmir Myftari, i dënuar në burgun e Peqinit i ka dhënë fund jetës duke u vetëvarur në tualetin e qelisë. Nuk është vetëm dënimi prej 20 vitesh burg me akuzën e vrasjes që e ka shtyrë Fatmir Myftari, 49 vjeç, drejt këtij akti ekstrem por dhe bragtisja nga familjarët e tij. Në një njoftim të shpërndarë për mediat, Drejtoria e Përgjithshme e Burgjeve ka zbardhur të gjithë dinamikën e ngjarjes.
Njoftimi i Drejtorisë së Përgjithshme të Burgjeve”
“Drejtoria e Përgjithshme e Burgjeve njofton se “më datë 10.07.2016, në burgun e sigurisë se lartë I.E.V.P Peqin, ka kryer aktin e vetëvarjes në tualetin e dhomës, Fatmir Myftari, i biri i Asim, lindur më 30.01.1967, në fshatin Vlosh të Komunës Kurjan, Fier, i dënuar me 20 vjet heqje lirie, siguria e lartë “Vrasje me Dashje”, të cilit i kishin mbetur dhe 6 vjet e 3 muaj. Fatmir Myftari u dërgua menjëherë pranë Spitalit Peqin, por nuk ka mundur të mbijetojë”.
Drejtoria e Burgjeve thotë se situata socio-ekonomike e viktimës ishte shumë e dobët, me familjarët nuk kishte kontake duke mos kryer asnjë takim për shkak edhe të veprës penale. Referuar problematikave që lidhen me familjarët e tij janë marrë masa të vazhdueshme nga sektorët për zgjidhjen e konflikteve dhe rivendosjen e kontakteve me familjen. Po kështu, Drejtoria e Burgjeve thotë se i dënuari ishte me probleme të shëndetit mendor, diagnoztifikuar me çrregullime personaliteti, ka pasur probleme të vazhdueshme përshtatje, akomodimi si edhe ngarkesa emocionale.