Kryetari i Lëvizjes Socialiste për Integrim, Petrit Vasili nëpërmjet një statusi në rrjetin e tij social Facebook shprehet se Vettingu është proces jetik për drejtësinë në Shqipëri.

Vasili shkruan se reforma në drejtësi ka mbështetjen e plotë të LSI-së për të ecur përpara dhe sipas tij, asnjë pengesë nuk mund ta ndalë këtë proces pa kthim.

“Vettingu proces jetik për drejtësinë në Shqipëri. Mbështetje e plotë që vetingu të ecë përpara. Asnjë pengesë apo ankesë nuk mund ta ndalë këtë proces pa kthim. Konsensusi politik i 21-22 korrikut për vetingun është provë e soliditetit të tij juridik dhe moral të tij”, shkruan Vasili.

Reagimi njëzëri i politikës në mbështetje të këtij ligji mbërriti pas ankimimit në Gjykatën Kushtetuese të Unionit dhe Shoqatës së Gjyqtarëve kundër disa neneve specifike të tij.