Ajo prej kohësh e ka fituar titullin “ikonë mode” edhe pse vitet e fundit ka preferuar të qëndrojë në prapaskenë duke dalë rrallëherë nëpër kopertina.
Ama kur e bën këtë e bën më së miri. Zonja Beckham i është futur punës për tu shfaqur në kopertinën e edicionit të shtatorit të revistës së famshme “Vogue”. 42 vjeçarja shfaqet në këtë kopertinë e ulur në një stol dhe e veshur thjesht me një triko të bardhë të hedhur mbi supe. Këto shkrepje të reja erdhën menjëherë pas leksioneve që Victoria dha për ndjekësit e saj në rrjetet sociale. Aty ajo postoi video 5 minutëshe ku shpjegonte me detaje teknikën e saj të bërit make up-in e mëngjesit.