Meghan Markle po vlerësohet në masë të madhe për gjestin e saj pasi i dha pallton një nëne që mbante një fëmijë.

Duka dhe Dukesha e Sussex sot ishin të pranishëm në Lojërat Invictus në Holandë.

Raportohet se Meghan vuri re se temperatura po binte dhe ia dorëzoi pallton një gruaje që po mbante në krahë fëmijën e saj, teksa i shoqëronte gazetari Omid Scobie.

Scobie ndau një video emocionuese në Twitter të premten, në të cilën Dukesha shihej duke ecur përkrah gruas, e cila kishte fëmijën e saj të mbështjellë me një pallto të gjatë në ngjyrë deveje.

“Rrugës për në vendin e ngjarjes, çifti u shoqërua nga konkurrentët dhe familja e #TeamNetherlands – njëra prej të cilave mbante një të porsalindur”, shkroi reporteri mbretëror. “Duke vënë re rënien e papritur të temperaturave, Meghan ia dorëzoi shpejt pallton nënës për të ndihmuar për foshnjën”.