Lediana ishte vajza e parë me fat që Mevlani i dedikoi një këngë me emrin e saj. Që në takimin e parë që ata patën bashkë, Mevlani realizoi një këngë për brunen bukuroshe që u prit mjat mirë nga publiku. Mirëpo kjo këngë tashmë është kthyer në një “mollë sherri” mes Mevlanit dhe Ledjanës.
Para pak kohësh, Antonela i kishte blerë edhe një mikrofon Mevlanit, që ai t’i dedikonte dhe asaj një këngë, por Lediana dha një ultimatum. Kjo e fundit i tha Mevlanit që asnjë vajze tjetër, sidomos Antonelës, të mos i dedikojë këngë siç bëri me të.
“Nëse ti i bën këngë Antonelës, unë e lë fare emisionin”, e paralajmëroi kohë më parë Ledjana Mevlanin.
Që nga ajo periudhë mes dyshes ka pasur kontradikta të shumta për vetë faktin se në mes të tyre hyri një i tretë. Nga ana tjetër duket se pëlqimi mes tyre sa vjen dhe rritet.
Së fundmi në rrjet është përhapur një video ku Mevlani këndon këngën dedikuar Ledianës, e cila e shoqëron në koncert.
Dyshja duken mjaft të lumtur në shoqërinë e njëri-tjetrit teksa pjesëmarrësit këndojnë në kor këngën e tyre. Ndërkohë që Mevlani dhe publiku këndojnë, Lediana e përqafon dhe e puth në faqe.
10 Nov 2024 
