Vijon bojkoti dhe protestat e studentëve. Në disa prej fakulteteve studentët nuk i janë rikthyer mësimit, pasi kërkojnë plotësimin e kërkesave të tyre.

Në Fakultetin e Shkencave të Natyrës vazhdon bojkoti i mësimit, ndërkohë që është mbledhur Asambleja e Pedagogëve. Edhe tek Fakulteti Histori Filologji vijon bojkoti nga disa prej studentëve.

Përmes një aksioni simbolik, studentët i kanë bërë thirrje çdo pedagogu që t’i mbështesë dhe të jetë përkrah tyre.

Ndërkohë, një grup studentësh të Fakultetit të Shkencave të Natyrës shkuan sërish për të protestuar te Ministria e Arsimit. Madje kanë hedhur bojra dhe vezë drejt godinës.

Ata po i kthehen protestave në vendin ku nisi protesta studentore një muaj më parë.