500 fëmijë kanë marrë shërbim në urgjencën e Tiranës vetëm 24 orët e fundit. Kjo situatë shqetësuese është krijuar edhe për faktin se në spital është shtruar një numër i madh femijësh të prekur me virozën e fruthit. Kjo virozë ka prekur kryesisht fëmijët nën moshën 1 vjeç, të cilët nuk janë vaksinuar.

Duke bërë një krahasim me vitin e kaluar , numri i të prekurve nga virozat është pothuajse i njëjtë. Në atë periudhë qeveria vendosi që të mbyllë shkollat, kopshtet dhe çerdhet si masë parandaluese për të ndaluar përhapjen e epidemisë.