Ka më shumë se 300 defekte gjenetike që janë fajtore pasi nuk lejojnë qelizat shqisore të veshit që të punojnë si duhet. Moslejimi i qelizave që të kryejnë funksionin e tyre mund të dëmtojë rëndë dëgjimin madje mund të çojnë edhe në humbjen e tij. Por një ekip studiuesish ka treguar se puna e tyre ka pasur sukses, për herë të parë, për të riparuar këtë defekt. Testi është kryer tek minjtë duke futur në vesh një " kalë troje "i cili shpërndan gene duke rivendosur funksionalitetin e qelizave të dëmtuara. Studiues të Universitetit të Harvardit dhe universitetit të Mjekësisë së Vjenës kanë kryer studimin i cili do të bëj të mundur riparimin e defektit. Forma e zakonshme e shurdhimit kongjenitale tek fëmijët është për shkak të mutacionit gjenetik të GJB2 dhe GJB6. Ky mutacion parandalon prodhimin e proteinës që është përgjegjës që qelizat e veshit të brendshëm, të punojnë si duhet. Pas rezultatit të suksesshëm të eksperimentit që bëri të mundur trajtimin miut, shkencëtarët thonë se studime të mëtejshme janë të nevojshme për të përcaktuar tolerancës e vektorit. Ky zbulim së shpejti do të jetë në dispozicion për trajtimin e foshnjave të sapolindura me humbjen e dëgjimit.