Milot Rashica do të jetë deri në verën e vitit 2020 te Vitese, pasi klubi ka aktivizuar klauzolën për rinovimin e kontratës pas paraqitjeve të mira që mesfushori ka bërë në dy sezone me holandezët.

20-vjeçari është aktivizuar në 64 ndeshje në kampionatin holandez, duke shënuar edhe dhjetë gola. Rashica ishte vendimtar sivjet me asistin e dhënë në finalen e Kupës, të cilën Vitese e fitoi për herë të parë.

Për mesfushorin nuk kanë munguar ofertat, teksa në Itali emri i Napolit ka qenë thuajse i përditshëm, ndërkohë që edhe në Holandë e kanë kërkuar të gjitha ekipet më të mëdha. Rashica dëshiron të luajë dhe me gjasa do mbetet në Vitese, pasi aty ai ka mundësinë të rritet edhe më shumë si futbollist, gjë që shihet si parësore për momentin.