Një prej çifteve më të dashuruar të show bizz-it tashmë janë bërë prindër të një vajze. Me anë të një postimi në Instagram, modelja 30 vjeçare Chrissy Teigen, ka konfirmuar lajmin për ardhjen në jetë të vajzës së saj, e cila ka lindur në datën 14 prill.

“Ajo erdhi! Luna Simone Stephens, jemi në dashuri me ty”, shkroi Chrissy së bashku me një fotografi, ku tregohet pesha e vajzës së saj 3kg, më pak se mesatarja, por që  gëzon shëndet të mirë.

Edhe bashkëshorti John Legend, nuk kishte si të mos e shpërndante me fansat e tij, lajmin më të mirë që mund të merrte. Ai postoi në Twitter: “Dashuria jonë e re erdhi në jetë, të enjten, me 14 prill. Nuk mund të jemi më të lumtur se kaq”.

Emri i foshnjes Luna, nënkupton Hënën në gjuhen latine, si dhe është një prej emrave të Perëndeshës së Hënës, Artemisa, në mitologjinë greke. Ndërsa Simone, është versioni femëror i emrit Simon.