Ambasadorja e BE-së Romana Vlahutin këtë të mërkurë i dorëzoi kryetares së LSI-së Monika Kryemadhi Strategjinë e Zgjerimit të Bashkimit Evropian të prezantuar një ditë më parë në Bruksel nga Përfaqësuesja e Politikës së Jashtme Mogherini dhe Komisioneri Hahn.

Kryemadhi u shpreh se Integrimi i Shqipërisë në BE i takon qytetarëve dhe si e tillë shpreson që brenda qershorit të kemi një vendim pozitiv për çeljen e negociatave.

Një ditë më parë BE sqaroi se vendi ynë do të duhet të zbatojë reformat e përcaktuara duke nisur nga ajo në Drejtësi në mënyrë që në qershor të hapen edhe negociatat.