38 fëmijë të diagnostifikuar me kancer që trajtohen në spitalin Pediatrik në QSUT në Tiranë, do të sigurojnë medikamentet për trajtimin e tyre, falë aktivitetit sportiv bamirës të organizuar nga Fondacioni Vodafone Albania, në bashkëpunim me shoqatën MRDC (Medical Response to Diplomatic Corps). Aktiviteti “Vrapo për Fëmijët” ku morën pjesë qytetarë e biznese, të përgjegjëshme ndaj kësaj kauze, u zhvillua për të gjashtin vit rradhazi, për t’u ardhur në ndihmë fëmijëve shqiptarë, nga zona të ndryshme të vendit, të diagnostifikuar me tumore. E konceptuar si një festë sportive, me kushte të pështatshme për çdo pjesëmarrës gara u organizua në tre kategori distancash garimi, specifikisht 10KM vrap, 5KM vrap dhe 5KM ecje sportive dhe e lirë. Për tre vendet e para për secilën nga kategoritë u shpërndan çmime nga organizatorët. Garuesit vrapuan përgjatë trajektores: nga sheshi “Nënë Tereza”, tek bulevardi “Dëshmorët e Kombit” e deri tek parku i Liqenit Artificial të Tiranës. Shumë qytetarë, sportistë, studentë, punonjës të institucioneve e bizneseve të ndryshme u bënë pjesë e këtij misioni për t’i dhënë shpresë fëmijëve që sot kanë nevojë më shumë se kurrë. Falë kontributeve të dhuruara nga bizneset, gjatë “Vrapo për Fëmijët 2015”, u mundësua ndihmë për 21 fëmijë, kryesisht për blerjen e medikameteve, sigurimin e të cilat familjarët e kanë të vështirë apo dhe të pamundur.