Ka zgjatur vetëm 10 ditë arratia e njërit prej autorëve të vjedhjes me dhunë të një karburanti në Ibe. Policia e Tiranës njofton se ka arrestuar një nga autorët e vjedhjes me dhunë, duke vënë në pranga 20 vjeçarin Ergit Shyti. Sipas njoftimit të uniformave blu ndalimi i 20 vjeçarit u bë pasi u arrit të dokumentohet me prova ligjore se ky shtetas është një nga autorët e dyshuar të vjedhjes me dhunë në pikën e karburantit në fshatin Ibë, ngjarje e cila u shënua me 4 shkurt.
Njoftimi i Policisë:
“Në cilësinë e provës materiale janë sekuestruar:
– Tre telefona të markave të ndryshme.
– Një portofol në të cilin gjendeshin njëqind e gjashtë dhjetë e një mijë lekë të vjetra dhe dhjetë Euro (valute ).
Specialistët e hetimit të krimeve po vazhdojnë hetimet për identifikimin e autorit të dytë të përfshirë në këtë ngjarje dhe vënien e tij para përgjegjsisë penale.
Materialet i’u kaluan Prokurorisë pranë Gjykatës së Shkallës së Parë Tiranë për veprën penale të “Vjedhjes me Dhunë e kryer në bashkëpunim” parashikuar nga Neni 139 e 25 i Kodit Penal”.