Policia ka marrë në pyetje  deri tani 10 persona për vrasjen e 47-vjeçarit mbrëmjen e djeshme në Selenicë.

47 vjeçari i njohur si Laver Tozaj u ekzekutua në derën e shtëpisë.

Laver Tozaj u gjet i plagosur me tre plumba nga kalimtarët pranë shkollës së Selenicës, ku ndodhet edhe banesa e tij, ndërsa humbi jetën në spitalin e Vlorës.

Dyshohet se ai është qëlluar me pistoletë nga persona të paidentifikuar teksa po shkonte në shtëpi.

Tozaj nuk ishte emër i panjohur për policinë. Më herët ai është akuzuar për trafik të lëndëve narkotike. Prishja e pazareve të drogës është edhe pista kryesore e hetimit.