Tirana është përgjakur nga një atentat me armë zjarri në zonën e Laprakës, ku mbeti e vdekur një 17 vjeçare dhe ia hodhi paq vetëm me plagë në shpatull i dashuri i saj 23-vjeçar.

Briselda Gjikolaj, 17 vjeçe nga Mirdita, jetonte prej vitesh në Tiranë. Prej një jave mendohet se ishte e lidhur me Erion Bengën, 23 vjeç.

Dy të rinjtë kishin dalë të konsumonin një kafe në zonën e Laprakës. Kur u çuan dhe hynë në makinë, një i ri nga Puka, u afrua i maskuar pranë makinës së Bengës, tip Benz dhe qëlloi disa herë.

Adoleshentja mori një plumb në kokë, dhe pavarësisht se u transportua me urgjencë në spitalin e Traumës nga i dashuri i saj, nuk arriti dot që të shpëtonte.