Një ngjarje e rëndë ka ndodhur në Shkodër. Një 55-vjeçar është vrarë me armë gjahu. Sipas policisë,vrasja ka ndodhur në njësinë administrative Rrethina dhe blutë thonë se morrën njoftim se brenda rrethimit të banesës së Ndokë Vecaj ,76 

vjeç është gjetur i vrarë me armë gjahu,Nikë Bungu 55 vjeç banues në fshatin “Shtoj i Vjetër”.
Nga hetimet paraprake rezultoi se viktima, Bungu, që vuante dhe merrte mjekim të rregullt për probleme mendore, ka hyrë tek rrethimi i shtëpisë së të moshuarit, Ndokë Vecaj në fshatin “Shtoj i Vjetër”.

Pronari i banesës ka dëgjuar se dikush ishte në rrethimin e banesës së tij dhe fillimisht qëlloi dy herë me çifte në ajër. Më pas i zoti i banesës kur ka dëgjuar sërish lëvizje ka qëlluar me armë zjarri në drejtim të Nikë Bungut, i cili
gjeti vdekjen e menjëhershme.

Grupi hetimor sekuestroi një çifte, me të cilën u krye krimi dhe arrestuan gjithashtu pronarin e banesës.