Ish-kryeministri Sali Berisha ka denoncuar sot në rrjetin e tij social Facebook se Rama ka liruar nga burgu Kostandin Xhuvanin.

“Rama liron nga burgu vrasësin e dashur serial të organizatës kriminale “Rilindja”, Kostandin Xhuvani”.
Ky ka qenë mesazhi i ardhur në adresën e tij nga qytetari dixhital.

Sipas qytetarit dixhital, Kostandin Xhuvani, djali i aktores dhe ish-deputetes së PS-së, Luiza Xhuvani, i cili vuan dënimin me 25 vite burg për vrasjen e 5 të rinjve, para 5 ditësh është paraqitur në QSUT pasi është operuar nga apendiciti. Po ashtu ai shkruan se pas operacionit, që u bë gjatë natës, familjarët e morën Xhuvanin me urdhër të Ramës dhe ai nuk shkoi në burg.