Një ngjarje tejet e rëndë ndodhi pasditen e sotme në Fier. 16 vjeçari Denis Vrenozi humbi jetën në spital pasi u qëllua me thikë në zemër nga një 17 vjeçar, Florjan Gega, i cili pasi u shpall në kërkim u vetëdorëzua pas 3 orësh.

Njoftimi i policisë: Pas identifikimit dhe shpalljes në kërkim nga policia, dorëzohet në polici autori i dyshuar i plagosjes me thikë në “Zog të Zi”.

Në datën 18.10.2018 rreth orës 16:30 pas një zënke për motive të dobëta mes 2 të rinjve, shtetasi F.G, 17 vjeç, ka qëlluar me thikë shtetasin D.V, 16 vjeç.

Si pasojë e plagëve të mara shtetasi D.V ka ndërruar jetë.

Pas ngritjes së grupit hetimor, policia identifikoi autorin e dyshuar dhe e shpalli në kërkim.

Specialistët për Hetimin e Krimit kanë bërë arrestimin në flagrancë per vepren penale “Vrasje me dashje”, parashikuar nga Neni 76 i Kodit Penal.

Specialistët për Hetimin e Krimeve po kryejnë procedurat për ndalimin e shtetasit F.G.