Avionët luftarakë amerikanë gjatë sulmeve ajrore kanë vrarë numrin dy të ISIS. Emri i vërtetë i numrit dy të Shtetit Islamik është Abd ar-Rahman al-Mustafa Qaduli.

Vrasjen e konfirmoi dhe Pentagoni përmes një konference për mediat nga Sekretari amerikan i Mbrojtjes, Ash Carter.
Mediat ndërkombëtare thonë se në muajin maj të vitit 2015, Departamenti Amerikan i Shtetit ofroi 7 milionë Dollarë për këdo që jepte informacione për kapjen ose vrasjen e tij.
Forcat e koalicionit ndërkombëtar të udhëhequr nga Shtetet e Bashkuara të Amerikës kanë nisur ofensivën në Siri kundër ISIS pas sulmeve terroriste të 4 ditëve më parë në Bruksel, ku u vranë 34 persona dhe u plagosën më shumë se 200 të tjerë.