Pas muajsh e muajsh thashethemesh e raportimesh, WhatsApp më në fund ka lançuar përditësimin e e ngjashëm me rrjetet e tjera sociale “Status”. Nëpërmjet këtij opsioni ju i tregoni miqve tuaj se ku ndodheni madje duke postuar bashkë me të dhe një foto. Në ndryshim nga Snapchat dhe Instagram fotot dhe videot që publikoni në WhatsApp i shohin vetëm kontaktet tuaja dhe këto postime do të fshihen brenda 24 orëve.

Mirëpo përdoruesit e këtij programi nuk e pëlqejnë këtë përditësim, pasi nëse prindërit nuk i kishin në rrjetet sociale si Snapchat apo Instagram, në WhatsApp sigurisht që i kanë, dhe ata do mund të shohin se çfarë po bëjnë fëmijët e tyre. Gjithashtu u duket si një kopje e rrjeteve të tjera sociale.