Will.i.am ka konfirmuar planet për një ribashkim të grupit Black Eyed Peas . Këngëtari 41 vjeçar që këndoi  përkrah apl.de.ap , Fergie dhe Taboo në grupin e tyre për vite me rradhë, tha se grupi nuk duhet të ishte ndarë asnjëherë.

Lajmin për ribashkimin e grupit  Will.I.Am e bëri në ‘Capital Evening Show’s Roman Kemp’, ku tha se ribashkimi i bendit është në proces dhe ata shumë shpejt do të nxjerrin materiale të reja në treg.

The Black Eyed Peas, albumin e fundit e publikuan në treg në vitin 2010 me emrin ‘The Beginning’.

Këngëtari Will.i.am ka publikuar dje online këngën e tij më të re ‘Boys & Girls’, në të cilin ai ka bashkëpunuar me këngëtarën Sia.