Edhe juve ju ka fiksuar?

Kënga “Mike” nga Elvana Gjata, Ledri Vula dhe John Shahu mesa duket është pritur mjaft mirë nga publiku dhe ne nuk kishim aspak dyshime për këtë sapo e dëgjuam për herë të parë.

Në vetëm 3 ditë nga publikimi kjo këngë është shndërruar në hit dhe tashmë ka marrë më shumë se 2 milionë klikime. Por siç shihet qartë në YouTube, “Mike” nuk po dëgjohet vetëm në vendin tonë, por edhe në shumë shtete të tjera. Madje në Zvicër, kjo këngë është kënga numër 1 në “trending”, pra kënga që po dëgjohet më shumë. Është menaxheri i Elvanës, Andry Gramm i cili ka publikuar një foto në Instagram ku tregon që “Mike” është numri 1 në Zvicër.