Gena është një ndër këngëtarët më të dëgjuar dhe më të pëlqyer për publikun shqiptar, veçanërisht kur vjen puna tek këngët popullore. Stili i tij i veçantë dhe zëri i tij karakteristik shpesh here e ka vënë në qendër të komenteve, duke e bërë edhe më të famshëm si personazh.

Së fundmi, në një postim të mikeshës së tij, Gena i ka habitur të gjithë ndjekësit me pamjen e tij të re.

Big Mama ka publikuar në Instastoryn e saj një video ku Gena shfaqet i ulur tek berberi, duke prerë kaçurelat e tij. Këngëtarja komunikon me Genën, teksa i tregon fansave imazhin e ri të tij, me flokë të shkurtra.

"Gena me imazhin e ri me flokë të shkurtra. Humbi sfidën dhe preu flokët", ka shkruar Big Mama, duke lënë të kuptohet se prerja e kaçurelave të tij vjen si pasojë e humbjes së një sfide mes miqsh.