Tashmë është fakt që vajzat shqiptare po bëjnë namin nëpër botë.

“Shumë prej këngëtareve tona të preferuara këto ditë, janë shqiptare”, shkruan revista e famshme amerikane ‘Perezhilton’, duke iu referuar këngëtares me origjinë shqiptare Eleni Foureira.

Dua Lipa, Bebe Rexha, Rita Ora, Era Istrefi dhe tani Eleni Foureira! Këngëtarja Foureira që fitoi vendin e dyte në garën e Eurovizionit, është radhitur në mesin e këngëtareve me origjinë shqiptare, që po bëjnë bujë nëpër botë.

Eleni Foureira ka ndarë në Instagram-in e saj një foto të kësaj reviste e cila e rendit emrin e saj përkrah emrave të njohur shqiptar si Rita Ora, Dua Lipa, Bebe Rexha e Era Istrefi këngëtare këto që sot gëzojnë një famë ndërkombëtare e kanë prodhuar hite të momentit.

Tashmë edhe Eleni Foureira gëzon famën e tyre pasi kënga “Fuego” me të cilën ajo konkurroi në Eurovision është kthyer në një nga më të dëgjuarat e këtij kompeticioni.