Angelina Jolie nuk e përjashton mundësinë për të kandiduar në politikë.

Aktorja 43-vjeçare, e cila është e dërguara e posaçme e Kombeve të Bashkuara, tha për revistën “People” “kurrë mos thuaj kurrë!” duke i bërë të gjithë ta mendojnë atë si presidentja e ardhshme e SHBA-ve.

Megjithatë, Jolie shtoi se për momentin ajo është “duke kërkuar të tjerë persona për të qenë udhëheqës”.

Ndërsa prioritet për të mbetet puna e saj humanitare.

Ajo gjithashtu u shpreh për revistën : "Unë përpiqem të flas për atë që besoj."

Ndërsa shtoi se ndihet "shumë e bekuar" që puna e saj humanitare e ndihmoi të njihej me shumë gra që tani i ka mike të ngushta.