Arilena Ara është një nga këngëtaret më të talentuara shqiptare dhe jo më kot fama e saj i ka kaluar kufijtë. E kemi parë në pozicionet e para në playlistat e Shazam në Rusi, Rumani apo edhe në vende të tjera dhe koncertet e saj s’kanë patur fund.

Përveç se është mixuar nga shumë Dj të ndryshëm, simpatinë për “Nëntori” të Arilena Arës e kanë shprehur edhe shumë personazhe të njohur ndërkombëtarësisht.

E fundit është modelja e famshme ruse, Alena Shishkova, e cila numëron më shumë se 6.2 milionë fansa në Instagramin e saj dhe ka ndarë mbrëmjen e kaluar një video duke dëgjuar këngën e famshme të artistes shqiptare: “Më pëlqen shumë kjo këngë”, – ka thënë Shishkova duke shijuar tingujt e këngës shqiptare.