Këto kamera janë speciale dhe janë dizenjuar enkas për të vëzhguar foshnjet kur jeni në distancë ose kur nuk keni mundësi që të rrini gjatë gjithë kohës me ta. Është për tu pranuar se këto kamera të shkurtojnë goxha punë dhe na japin një dorë për kujdesin e foshnjes, sidomos kur është koha e gjumit të darkës.

Por që filmimet e këtyre kamerave do të na habisnin kaq shumë, nuk na e kishte marrë mendja. Me Hallween-in në prag , këto pajisje mesa duket kanë filmuar imazhe të denja për filma horror, shkruan DailyMail.

Prindër nga e gjithë bota kanë postuar imazhet e çuditshme që kanë kapur kamerat gjatë natës, kur fëmijët po flinin. Në një imazh shfaqet një vajzë e vogël, e cila duket sikur është transparente, me një sy të errët dhe të zhytur në kamera.