Brenda një kohe shumë të shkurtër Tayna u shndërrua në reperen më të famshme brenda trojeve shqiptare dhe sot numëron miliona fansa. Ajo i ngjiti shpejt shkallët e karrierës së saj dhe tashmë po shijon “majën”, teksa numëron hite në repertorin e saj. Tayna është një ndër reperet më të përfolura dhe ka bërë për vete të gjithë shqiptarët, por jo vetëm!

Ajo ka tërhequr edhe vëmendjen e reperes me famë botërore, Nicki Minaj. Një faqe në Instagram ka shpërndarë videon e Taynës duke kënduar këngën e Nicki-t dhe kjo e fundit jo vetëm që i ka bërë like, por edhe ka komentuar emoji me sytë me zemra, shkruan iconstyle.

Sigurisht, kjo nuk i ka shpëtuar Taynës e cila është gëzuar pamasë nga komenti. Madje, e ka shpërndarë në llogarinë e saj në Instagram.