Partneri i saj është futbollisti Cristiano Ronaldo dhe ajo ka bërë pasurinë e saj prej 20 milionë paund. Bëhet fjalë për Georgina Rodriguez e cila para se të njihej me Ronaldon ishte thjesht një dado në Bristol, duke fituar vetëm 125 £ në javë.

Pasi nisi të jetojë në luks të shfrenuar e pasuri marramendëse, Georgina deklaroi se nuk do të harrojë familjarët e saj, por xhaxhai i Georginës pohon të kundërtën. Jesus Hernandez ishte ai që e rriti dhe e ushqeu mbesën e tij Georgina në kohën kur babai i saj u burgos.

“Ajo mund të ndihet e turpëruar për ne dhe të konsiderojë se është më e mirë se ne, sepse ne nuk jetojmë me luksin e saj. Nuk i kam kërkuar kurrë asgjë. Ajo më ka telefonuar vetëm një ose dy herë që kur mora vesh se po dilte me Ronaldon” – u shpreh ai.

Por jo vetëm xhaxhai, edhe motra e saj ka shprehur pakënaqësitë për mediat duke deklaruar se Georgina nuk i kishte plotësuar një dëshirë pa kosto djalit të saj, pra nipit të gruas së futbollistit.

“Kur ishte ditëlindja e djalit tim, e pyeta nëse mund t’i kërkonte Cristiano-s të firmoste një këmishë për djalin tim dhe ajo tha ‘jo’. Ajo nuk do ta shqetësonte atë pasi ai ishte me pushime.” – u shpreh motra e Georgina.

Ndërkohë xhaxhai i saj Jezus pretendon se ai ka rritur atë dhe motrën e saj, i ka mbajtur me veshje dhe ka paguar faturat e tyre ndërkohë që merrte vetëm 650 euro në muaj. Vetëm koleksioni i bizhuve të Georginës sot vlerësohet me rreth 3 milionë euro, 100 mijë euro i kushton vetëm një çantë dhe 2600 euro shpenzoi për të patur një mace. Për mos të folur për vilat, banesat dhe makinat super luksoze.

“I kam shkruar Cirstiano Ronaldos në Facebook që ke gruan më të keqe në krah, nëse do të dish më shumë, më kontakto dhe do të tregoj.” – u shpreh xhaxhai i Georgina Rodriguez.

Por Cristiano Ronaldo është shprehur gjithmonë për mediat shumë i lumtur për partneren e tij e cila e plotëson.