Agim Doçi, autori i këngës “A do të vish” ka folur për projektin muzikor që është bërë remake nga Ronela Hajati dhe Vig Poppës. Në emisionin “Shqipëria Live”, Doçi tha se në këngën e saj “Alo”, Ronela Hajati ka cituar Luan Zhegun, i cili në fakt është interpretues, jo autor.

Ndër të tjera, nuk u kursye ndaj Luan Zhegut, për të cilin tha se nuk e ka për herë të parë krahmarrjen, por nga ana tjetër përgëzoi Ronela Hajatin dhe i uroi sukses.

Agim Doçi: I mori Luan Zhegut, por ai është interpretues, jo autor. Në Shqipëri vidhet çdo gjë, punë e madhe se vidhet vota. Kjo është një hit vere dhe kur e kemi bërë atë këngë, na thërritën që të shkonin në Shqipërinë veriore për të bërë qytetërimin e tyre. Fabula e kësaj është vlerësuar shumë sepse shumë familje me këtë urdhër partie do e linin të fejuarën, të dashurën, kështu që kjo këngë mund të merrte dhe çmim të parë, por mori çmim të dytë. Aso kohe, u quajt këngë buletin.
Zoti Zhegu nuk e ka për herë të parë këtë krahmarrjen. Ronela ka bërë shumë mirë që e ka marrë dhe i uroj sukses. Edhe ti Ciko, vi frenat e dorës kur flet për veprat e mia, nuk është anekdotë. Do ishte kënaqësi e madhe nëse merren perlat, por jo të bastardohen. Ronela të flejë e qetë se xhaxhi Gimi nuk e ka hedhur në gjyq.

Ronela duket se e ka dëgjuar kritikën e Agim Doçit dhe e ka hequr emrin e Luan Zhegut dhe ka vendosur emrin e Agim Doçit në të drejtat e autorit.