Aktori i humorit Bes Kallaku dhe këngëtarja Xhensila Myrtezaj, u bënë prindër për herë të parë. Xhensila solli në jetë vogëlushen Ajka, për të cilën çifti ka treguar se ndihen në qiellin e shtatë.

Vetëm pak ditë pas ardhjes në jetë të Ajkës, Xhensila ia ka bërë një dedikim shumë të ëmbël partnerin të saj dhe vajzës së porsalindur. Ajo ka publikuar një foto ku shfaqet Besi duke u kujdesur për Ajkën dhe fjalët e Xhensilës nënkuptojnë shumë: “E gjitha bota në dy njerëz”, shkruan ajo.

Ndërsa Besi ka zgjedhur një foto tjetër, sigurisht që për të qeshur. Ai ka publikuar një foto ku tregon momentin në të cilin mendon se vajzën e tij e ka zënë gjumi, por më pas ajo fillon të qajë. Fytyra e Besit e shpjegon më së miri këtë moment!