Xhisiela Maloku nga Gjykata e Apelit ka kërcënuar median: "Më rrini larg. Një media që do merret me jetën time do ta çoj në prokurori" ka thënë ajo. Xhisiela mbërriti me vonesë pak minuta pasi u mësua vendimi që Gjykata e Apelit kishte dhënë për Rexhep Rrajën për ta lënë atë në burg, por ajo ka vijuar t'i qëndrojë deklaratës së saj se Rexhep Rraja është i pafajshëm. Por në fakt është ajo që e ka çuar pas hekurave.

"Erdha në Gjyaktë për ta mbështetur. Për arsye trafiku isha me vonesë. Kam kontaktuar me të kemi marrëdhënie shumë të mira me të. Marrëdhënie shoqërore. Kam ardhur për ta mbështetur.Është i pafajshëm" ka thënë Maloku. E ndërkohë në prononcimin për mediat edhe avokati i Rrajës i pyetur për arrogancën e Xhisielës, ka thënë se ajo është një vajzë e kulturuar.