Nuk bëhet fjalë për Harry Styles, i cili prej kohësh e ka shfaqur interesin e tij për fushën e aktrimit, por për Louis Tomlinson. Ishte vetë britaniku 24 vjeçar që ndezi zërat me deklaratat e tij, ku rrëfeu se “Të luash rolin e Jamie Vardy” do të ishte një mundësi e artë. Megjithatë nuk do të jetë punë e lehtë të marrësh rolin nga një listë konkurrentësh, ku përfshihen emra të tillë si Zac Efron dhe Robert Pattinson, të cilët me këtë punë sigurojnë jetesën. Por ia vlen të luftosh me mish e me dhëmbë për historinë e futbollistit 29 vjeçar, i cili e nisi karrierën në futbollin amator si punëtor minierash dhe përfundoi në shumë pak kohë duke fituar kampionatin anglez me Leicester City, si dhe siguroi thirrjen në ekipin kombëtar të Anglisë. Një histori e denjë për një film përrallë.