Këngëtarja e njohur franceze Carla Bruni, 'sozia e Bella Hadid', ka bërë bashkë personazhe të politikës, të medias, artit dhe kulturës, me koncertin e saj në Butrint.

Në këtë vizitë të parë në vendin tonë, Carla shoqërohej nga bashkëshorti, ish-Presidenti francez Nicolas Sarkozy.

Ky i fundit ishte ulur pranë kryeministrit shqiptar, Edi Rama i cili publikoi sot pamje nga koncerti ku ndodhej bashkë me familjen.

Teksa opozita protestonte në Tiranë kundër qeverisë, kryeministri Edi Rama publikoi videon nga Butrinti.

Në mesin e spektatorëve ishte bashkëshortja e kryeministrit, Linda Rama bashkë me djalin Zaho dhe vajzën Rea.

Për të ndjekur koncertin në Butrint ishte edhe bashkëshortja e kryebashkiakut të Tiranës, Ajola Xoxa.

Gjithashtu koncerti u ndoq edhe nga personazhe të tjerë të njohur si Isida Mollaymeri, Ardi Asllani, Suada Daci, Eni Shehu etj.